Bai euskarari bai euskarari. zerbitzua eta lana euskaraz Premie Euskara-Planak

| eu | es |

Radar Covid aplikazioa euskaratzeko urratsa

2020/09/12 sustatu.com -- Albiste originala ikusi

Covid-19 gaitzarekin izandako kontaktu hurbilak detektatu ditzakeen Radar Covid aplikazioa euskaratzeko urratsa egin du informatikari euskaldun batek, Mikel Larreategik. Espainiako Gobernuak bultzatzen du aplikazioa, eta martxan jarri zutenean, gaztelaniaz eta ingelesez bakarrik zegoen (izan ziren protesta batzuk). Gaur gaurkoz, katalanez ere badago, eta galizierazko eta euskarazko bertsioak asko prestatu ziren arren, GitHub biltegi publikoan daude. Ez dago euskaratzaileen edo Github-eko ekarpen egileen esku aplikazioan benetan euskara agertzea. Espainiako Gobernuak edo harentzat lan egiten duten zerbitzu informatikoek egin beharko dute hori.

Googlek eta Applek emandako erraztasun batzuekin, pribatutasunerako baldintza egoki batzuk betetzen ditu Radar Covid-ek, kodea aztertu dutenek diotenez. Funtsean, aplikazioak eskatzen dizu Bluetooth aukera piztuta eramateko jendartean zabiltzanean, eta horrela elkarrengandik gertu egon diren telefonoen erregistro bat osatzen doa, baina kode anonimoekin. Aplikazioa darabilen norbaitek positiboa eman badu, haren kodea aktibatuko da, eta abisua jasoko dute beste telefono jabeek: ez norekin ez non gurutzatu zaren gutxienekoa da; kontaktu jarraitu edo puntualgo batean egon zarela abisatuko dizu aplikazioak, uste dugunez.

Espainiak aplikazioaren bertsio bat jarri zuen martxan abuztuan, ohi bezala estatuaren elaniztasunari muzin eginda: gaztelaniaz eta ingelesez. Aplikazioa Espainiako Google Play eta Apple dendetan ezarri dezakezu, baina jarraipen zehatza egiteko, erkidego autonomoen inplikazioa behar da. Nafarroan ba omen dago jada jarraipena (astelehenean aktibatu zela iragarri zuen foru gobernuak), baina Eusko Autonomia Erkidegoan ez, eta ezarriko duten ere ez dakigu. Nolanahi ere, ezartzen denerako, edo batetik bestera mugitzen bazara, gomendagarria izan daiteke jada instalatzea, Nafarroatik kanpo bazaude ere eta oraindik euskaraz ez badago ere.

Izatez, euskaratzea iritsiko ote den pantailetara... ez dakigu. Github biltegian Espainiako Gobernuak askatu zuena ez da zehazki telefonoetakoa: ez dago ingelesezko edo katalanezko itzulpenen arrastorik. Beraz, horiek beste nonbaitetik integratu dituzte. "Integrazio" hori non eta nola egin duten... han egin beharko da, egitekotan, euskarazko fitxategi berrien gehikuntza eta konpilazioa.

Radar Covid instalatzeko:

Kodea: https://github.com/RadarCOVID / Euskaratzea: https://github.com/RadarCOVID/radar-covid-android/pull/24

 

 


Iruzkinak:

2020/09/26

euskaraplanak.net - Artez
[url=http://www.g1zxe5jk6b64l1h3d3jrp1y7437hk302s.org/]uorilrfxcz[/url]
aorilrfxcz
orilrfxcz http://www.g1zxe5jk6b64l1h3d3jrp1y7437hk302s.org/



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!