Bai euskarari bai euskarari. zerbitzua eta lana euskaraz Premie Euskara-Planak

| eu | es |

Geuretik Sortua, sortzaile euskaldunentzako egonaldi programa

2020/12/03 sustatu.com -- Albiste originala ikusi

Udalbiltzak Geuretik Sortuak izeneko proiektua abian jarri du, euskarazko sorkuntza bultzatzeko zazpi lurraldeetan. Euskarazko literatura, antzerkigintza eta zinemagintza sustatzea du helburu proiektuak, sortzaileentzako egonaldiak antolatuz herriz herri.

2021 eta 2022 urteetan garatuko da Geuretik Sortuak. Une honetan, egonaldiak eskainiko dituzten "egoitzak" batzen ari da Udalbiltza. Hau da, zein herrik eskainiko duten ostatu sortzaileak bertara joan daitezen. Eskualde jakin bateko herrien arteko aliantzak ere posible dira (adibidez, Lesaka eta Bera elkarrekin doaz Bortzirietan).

Ondoren, 2021ko lehen hilabeteetan, deialdia egingo da. Kulturgileei deia, sorkuntzarako, helburu hauekin:

  • Eleberri laburra, literaturan.
  • Film laburra, zinemagintzan.
  • Antzezlana, antzerkigintzan.

Deialdiaz gain, egonaldia ere 2021eko lehen seihilekoan egitea espero da, bakoitzari tokatzen zaion herrian.

2021ko bigarren partean eta 2022an, tokian tokian sortutako proiektuekin zirkuitoa egingo. Film laburrekin film luzeago osatu nahi da, eleberri laburrak liburu mardulago batean bildu, eta antzezlanak mugitzeko, areto-teknikari batekin harat honat ibili obrak.

Informazio gehiago: Udalbiltza.


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!