Bai euskarari bai euskarari. zerbitzua eta lana euskaraz Premie Euskara-Planak

| eu | es |

Guka aurkeztu zen atzo, Urola Kostako euskarazko komunikazioaren marka berria

2024/05/21 sustatu.com -- Albiste originala ikusi

Guka aurkeztu zuen Urolako Komunikazio Taldeak (UKT) atzo Azpeitiko Basazabal jauregian egindako ekitaldian. Guka.eus eskualderako webgunea sortu da, eta banakako herrietako webguneetan ere izen aldaketak izan dira. Tokikom hedabide taldekoa da UKT, eta Guka web proiektu berritua ere Tokikom plataformaren gainean dago eraikia.

Hauek izan dira eraldaketak webguneei dagokienez:

Beste ekimen batzuk ere martxan jarri dira:

  • Gukasteka, Zarauzko agerkari digitala izango da, herrian euskarazko paperezko tokiko aldizkaririk ez dagoela eta, hutsune hori betetzera datorren produktua (baina digitalki, ez paperean).
  • Asteburuko agendaren buletina (laster martxan).
  • Guka whatsapp kanala
  • Gukakide, Guka proiektuaren bazkidetza modua. Paperezko aldizkariak jasotzen dituztenak gukakide dira jada, baina bazkidetza digitala ere irekiko da; eta Gukakide Txokoa irekitzen da horientzat, bazkideentzako abantaila sortarekin.

Teknikoki, CodeSyntax enpresak (Sustatu egiten duenak) lagundu du UKT garapen digital honetan. Bertako Urtzi Odriozola garatzaileak adierazi duenez: "Lehen pausu moduan txikien arteko indarrak batzeko, GUKA proiektuaren ingurune digitalen bateratzean lagundu genuen eta hedabideen arteko elkarlanerako ezinbesteko tresna garatu genuen CodeSyntax-en. GUKA estrategia aurrera atera dadin, elkartze prozesuaren azken txanpan webguneetan marka aldetik eta bazkideentzat osatutako txokoan aldaketak egiten lagundu dugu. Hemendik aurrera ere, digitalizazio eta indar batze horretan aurrerapauso berriak ematen lagunduko dugu beste hainbat esparrutan ere eta GUKA proiektua teknologian abangoardian egon dezan ziurtatu."


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!