Bai euskarari bai euskarari. zerbitzua eta lana euskaraz Premie Euskara-Planak

| eu | es |

Nobela idazteko Zubikarai beka, 2019ko deialdia kaleratu da

2019/07/12 sustatu.com -- Albiste originala ikusi

Augustin Zubikarairen izena daraman bekak azken urteotan euskaraz nobela sortzeko egitasmo bat saritzen du (2010etik aurrera da horrela). Aurtengo deialdia kaleratu dute antolatzaileek, Ondarroako Udalak eta Elkar argitaletxeak. Saria 6.000 eurokoa izango da.

Bekari esker argitaratu diren lanen artean daude:

  • 2017: Xabier Etxeberria, Berriro itzuliko balitz
  • 2016: Katixa Agirre, Amek ez dute
  • 2015: Miren Gorrotxategi, 33 ezkil
  • 2014: Jasone Osoro, 12etan bermuta
  • 2013: Garazi Kamio, Orube abandonatuak
  • 2012: Garbiñe Ubeda, Hobe isilik
  • 2011: Itxaso Araque, Damutzen ez direnak
  • 2010: Joxean Agirre, Zwei Frauen (bi emakume)

2018an Eneko Barberenaren proiektuak irabazi zuen, eta laster ikusiko du argia lanak.

2019ko deialdiari dagokionez, honakoa aurkeztu behar dute aurkezten direnek, besteak beste:

  • a) Landu nahi duen kontakizunaren azalpena, bi mila eta sei mila karaktere bitartekoa, egoki iritzitako  ezaugarriak zehaztuz, hala nola, argumentua, egitura, luzera, estiloa, etab.
  • b) Idazlanaren lagina edo erakusgarria, hamabost mila eta berrogei mila karaktere bitartekoa, ez nahitaez kontakizunaren hasierakoa, baina bai zati bakarra osatzen duena.

Irailaren 30a arte dago lanak aurkezteko aukera, eta urriaren 31n jakinaraziko da epaia. Epaimahaia osatzen dute Ana Urkiza, Leire Bilbao eta Xabier Mendiguren idazleek.

Informazio gehiago, baldintzen orri honetan.


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!