Bai euskarari bai euskarari. zerbitzua eta lana euskaraz Premie Euskara-Planak

| eu | es |

"Summun Pirineum" edo "Iturissa" erromatar hiria, Auritzen (Nafarroa Garaia)

2019/08/11 sustatu.com -- Albiste originala ikusi

Iturissa* baskoi-erromatar hiri bat izan zen, gaur egungo Aurizberri eta Auritz herrietako (Nafarroa Garaia) lurretan zegoena. 400 urte inguruko iraupena izan zuela uste dute arkeologoek, I. mendetik Erromatar Inperioaren gainbeheraraino. 1986-1989 bitarteko indusketa kanpainetan aurkitu zuten Iturissa eta 2012an baieztatu zuen Aranzadi Zientzia Elkarteak herri erromatar bat zela, baskoi herri baten ustezko hondarren gainean eraikia. Astorgatik Bordelera zihoan erromatar galtzadaren alboan zegoen eta baskoien herri hartan ostatuak egin zituzten erromatarrek. Azken urteotako indusketetan Aranzadi zientzia elkarteak erromatarren garaiko bainuetxe baten aztarnak aurkitu ditu, Londresko Arkeologia Museoarekin batera elkarlanean.

Euskal Herriko historiaren berri jakiteko oso aurkikuntza garrantzitsua da, herri hura baskoien lurraldearen erdialdean zegoelako. Erromatarrek hasieran aterpe-leku eta gerora hiri izan zena altxatu aurretik, baskoien bizitoki izan zen. Gainera, etorkizuneko ikerketari begira, potentzialtasun handia duela uste dute arkeologoek, aukera handia ematen baitu erromatar garaiari buruzko eta euskara arkaikoari buruzko datuak lortu ahal izateko.

Oraindik ere galdera ugari daude erantzuteko. Erromatarren kokaguneak lau hektarea eta erdi hartu zituen, eta haren zati txiki bat besterik ez da ikertu orain arte. Adibidez, ez da egiaztatu haren izena: garai hartako idatzietan agertutako Summun Pirineum edo Iturissa izan liteke, baina, metodologia zientifikoak eskatzen duen frogarik gabe, ez dago ezer zehatz-mehatz ziurtatzerik.


Iruzkinak:

2019/08/13

Effectively a “Blush 2.0,” the pair is Storm
Blue 1s Jordan Replica light in its every touch-up with textures being
the most overt detailing on display. Hits of the lighter pink-hinted tans
are most noticeable atop the luxe suedes that line the various overlays
while unders are much more neutral despite their slightly loose wound
weave. 



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!