Bai euskarari bai euskarari. zerbitzua eta lana euskaraz Premie Euskara-Planak

| eu | es |

Google Word Coach, ingelesa hobetzeko "Egunean Behin" moduko bat

2019/11/04 sustatu.com -- Albiste originala ikusi

Google Word Coach ingelesezko hitzekin praktikatzeko joko bat da, Google bilatzailearen bertsio mugikorrean erdi ezkutua dagoena. Android euskaldundu batekin egin ditugu aproba batzuk, eta interfazea ia osorik ingelesez dagoen arren, termino batzuk euskaraz agertzen dira (hala nola puntuazioa; ikus irudietan). Dena dela, ingelesezko oinarri bat beharrezkoa dirudi jokoan hasteko.

Mugikorreko Google bilatzailean edo Chrome nabigatzailean sartu behar duzu jokoa erabiltzeko. Egin Google bilaketa hau: Google Word Coach, eta jokoaren interfazea agertuko zaizu.

Esanahiekin asmatzea da kontua, sinonimo edo gertuko hitz bat eskatzen dizu sistemak, eta bi aukeraren artean aukeratu behar duzu. Egunean Behin-en baino errazago beraz ausaz asmatzea. Goiko irudian ikusten den bezala, grafikoak ere badira galdera batzuk, baina hor ere, aukera bikoitza. Kasu honetean, Egunean Behin-eko alderantzizkoa da: galdera da testuzkoa, eta erantzun posibleak grafikoak.

Emaitza zuzenekin puntuak gehitzen zoaz, 5eko txandetan (Egunean Behin-en 10ekoak), eta mailaketa bat eskaintzen dizu sistemak. Erantzun zuzen eta okerretan klikatu, eta informazioa duzu definizioen inguruan (ingelesez noski)

Zenbat jokatu daitekeen, zein mailara arte... ez dakigu. Jokaldi bakan batzuekin konformatu gara gu artikulu hau idazteko.


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!