Bai euskarari bai euskarari. zerbitzua eta lana euskaraz Premie Euskara-Planak

| eu | es |

Ahots-mezuekin aprobak egiten hasi da Twitter

2020/06/18 sustatu.com -- Albiste originala ikusi

Ahots-mezuak, testuzkoen ordez, Twitterren. Momentuz bakarrik iPhonee-etako iOS app bertsioaren bitartez, eta bakarrik ausaz aukeratutako erabiltzaile gutxiengo batentzat, baina hortxe dago aukera atzodanik. Hemen akaso aukera berri honekin bidali den euskarazko lehen audio-txioa.

Whatsapp-eko testugintza ahots-mezuek ordezkatu duten bezala, hori ote Twitterren etorkizuna? Oraingoz, ahots-mezu bat grabatzen duzunean, mezu osoa horrek ordezkatzen du. Ezin da "irudi + testu" edo "testu + bideo" konbinazioak egin daitezkeen bezala, ahotsezkoekin ezer egin.

Era berean, mugikorreko mikrofonoa irekita grabatzen da mezua, zuzenean-edo, eta ez dirudi mp3 bat edo beste audio fitxategi bat kargatzerik dagoenik.

Nola jakin ea zure kontuak baduen aukera hau? iPhoneko zure Twitter aplikazioan, mezua idazteko eman. Irudia kargatzeko ikonoaren ondoan, uhinak adierazten dituen beste hau baduzu, sakatu eta grabatu zure ahotsa.

Horixe egin du ZientziaKaiera kontua daraman lagunak (uste dugu Uxune Martinez EHUko dibulgatzailea dela), eta euskarazko mezu bat utzi du. Akaso historiako lehena kategoria berezi honetan.

Eguneraketa: Urtzi Urkizuk abestea erabaki du, Pasaiako zezenaren bertsoak, Mikel Laboa zenaren musikazioarekin edo:


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!