Bai euskarari bai euskarari. zerbitzua eta lana euskaraz Premie Euskara-Planak

| eu | es |

Jon Maiaren manifestu batetik, "Beste mundu bat posible da"

2020/06/19 sustatu.com -- Albiste originala ikusi

Konfinamenduaren egun itxienetan, Jon Maia idazle eta bertsolariak Bihar izeneko poema-manifestua prestatu zuen, Pello Ramirez musikariarekin bideoa eginez. Gaztelerazko bertsio bat izan zuen handik egin batzuetara, eta ideia, etorkizun eraldatzaile eta hobe baten aldeko aldarria, webgune bihurtu da orain: Beste mundu bat posible da webgunea.

Bihar manifestuak jada 12 itzulpen ditu webgunean, eta hainbat lagunen elkarlanaren ondorio da. Webgunea bisitatzen dutenek manifestuak iradokitzen dizkion ideiekin bere ekarpenak egiteko aukera dute testu, marrazki, audio, bideo edo musikaren bidez.

"Covid 19 dela eta sortutako mundu mailako krisialdia aukera bat dela sinisten dugu, mundua aldatzeko, birpentsatzeko, beste mundu bat egiteko. Agian mundua bihar zuri esker aldatuko da. Bat egin manifestuarekin, izan mundu!", diote Maiarekin bat eginda webgunea bultzatu dutenek.

Etorkizun posible horretan, mundua hobera eraldatua ikusten du Maiak:

Gero eta jende gehiagok nahikoa da esan genuen eta bizitzaren aldeko iraultza hasi zen. 
Sistema zaharrarenak egin zuen. 
Gure bizitzak aldatzen hasi ginen. 
Ardurak eskatzen.
Pixkana gobernuak erortzen hasi ziren.
Gure bizimoduak aldatzen hasi ginen…

Hala izango ahal da! Ikus http://bestemundubat.eus

(erlazionatua, itxialdiaren hasieran Jon Maiak egindako enkarguzko elkartasun-bertsoak; nolabait manifestuaren hazia izan zirenak).


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!