Bai euskarari bai euskarari. zerbitzua eta lana euskaraz Premie Euskara-Planak

| eu | es |

Egunean Behin: akabo 4. denboraldia, gaur 3. finala

2020/07/08 sustatu.com -- Albiste originala ikusi

Gaur gaueko 21:30etan itxiko da udako oporren aurreko azken Egunean Behin saioa, denboraldi amaierako Final Handiarekin. 4. denboraldia deitu dugun hau igandean itxi zen 'Ni neu' delako jokalari baten garaipenarekin (jokoaren datubasean 172 Ni-Neu daude!), eta irabazle izan denak gaur iluntzean emango du aurpegia eta bere izena Youtube bidez zuzenean eta aplikazio bidez denentzat irekian emango den finalean. Zatoz zu ere eta parte hartu Denboraldi amaierako final handian!

Finalean ez da denboraldiko irabazlea ebatziko, hori Ni-Neu izango da, eta sariaren parte, "betebeharra inposatu" diogu nolabait: zuzenekora etorriko da eta bertan zuzenean parte hartuko du, jokaldiak komentatuz Edurne Azkarate aurkezlearekin. Irabazlea nor den... Arrasatekoa, emakumezkoa eta oso azkarra... edo oso tranpatia. Erretratu robota hemen:

Finala azken lau asteetako zuzeneko horien antzekoa izango da; irabazleak saria eramango du (denboraldiko kontaketatik aparte, denok zerotik), eta baita zozketaz beste batek ere. Desberdintasunen aldetik, hiru txandatan jokatuko dela, eta sari bereziak oraingoan telefono hauek izango dira, Xiaomi Redmi Note 8 Android txukun batzuk, euskaraz ederto dabiltzanak. 

Aurreko zuzenekoetan bezala, azpiegitura prest egongo da milaka jokalariren aldibereko partidei eusteko. Ondoren... beste atsedentxo bat. Jokoaren etorkizunaz eta aukerez pentsatzeko aprobetxatuko dugu.


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!